"Gabonetan nire lehenengo finala jokatu nuen, mistoan. Zapatuan, berriz, emakumezkoen txapelketako finalean estreinaldia izango dut. Ondo prestatuta nago, eta saiatuko naiz irabazten. Finalaren aurretik, gainera, gaur, 18:30ean, Oñatin Gipuzkoako binakako partidua jokatuko dut Lander Valle aretxabaletarrarekin, eta biharko entrenamendu gisa ondo etorriko zait", adierazi du Irati Betegik.
Errasti, harro
Juan Mari Errasti Aretxabaletako pilota entrenatzaileak ere finala irabazteko aukerekin ikusten du Irati: "Pilota gogorrarekin ere aritzen da, eta goxoarekin jokatzerakoan nabarituko du. Ea lan ona egiten duen...".
