Iraia Aginagalde aretxabaletarrarendako Aratusteetako argazki lehiaketako saria

Mirari Altube Arrese 2022ko mar. 3a, 14:25

Iraia Aginagalde erdian, Jon Diaz eta Antonio Tamayoren artean, eta eskuinaldean, saria jaso duen argazkia.

Aretxabaletako Hankabeltz urdaitegiak eta Jon harategiak emandako kalitate bikaineko produktu sorta jaso du Iraia Aginagalde Aldai aretxabaletarrak, 2022ko Aratusteetako argazki lehiaketaren irabazleak. Guztira 43 argazki jaso dira eta zozketa bidez hautatu da saritua; moja jantzitako hiru neska-mutiko ageri dira bertan.

Hankabeltz urdaitegiaren eskutik produktu iberiko sorta eta Extremadurako ardoa jaso ditu, besteak beste, Aginagaldek, eta Jon harategiak emanda txuletak eta gazta zatia. Pozik jaso ditu produktuak eta etxekoak eta lagunak mahaira gonbidatuta jango dituela adierazi.