"2022ko Aratusteak aurrera ateratzeko lanean ari gara, baina beti pandemiari begira. 2021ean ospatu ezin izan genuen jai baten kolorea berreskuratu nahi dugu, hori bai, modu zuhur eta arduratsuan; uneoro herritarren osasuna lehentasuna emanez”, adierazi du Kultura zinegotzi den Ainhoa Caberok. Hala, "osasun egoerari egokitutako" programa bati forma ematen hasi dira eta erabaki dute mantentzea Aratuste-domekako mozorrotutako kuadrillen desfilea eta lehiaketa; herri bazkaria, ostera, bertan behera utzi dute. Azken asteetan eta hurrengoetan bilerak egingo dituztela Aretxabaletako Karnabalen Lagunekin eta jai horretan parte hartzen duten beste eragile batzuekin adierazi du.
Programaren xehetasunak aurrerago zehaztuko badituzte ere Caberok aurreratu du ohi legez, Txapel Txinek iragarriko dituela Aratusteak otsailaren 19an.
Lokala datozen egunetan
Kuadrillek Aratusteetarako mozorroak eta karrozak prestatu ahal izateko lokala datozen egunetan zabalduko du Udalak.
Kartel lehiaketa abian
2022ko Aratusteetako irudia aukeratzeko kartel lehiaketa ere jarri du abian Udalak. Lehiaketa parte hartu nahi duen edonorentzat zabalik dago eta lanak aurkezteko epea otsailaren 7ra arte dago zabalik. Epaimahaiaren erabakia hilaren 8an jakinaraziko da eta irabazleak 250 euro jasoko ditu.
Hona hemen oinarriak:
- 1.- Lehiaketa honetan edozeinek har dezake parte.
- 2.- Teknika librea izango da.
- 3.- DIN A3 kartelaren neurria formatu digitalizatuan aurkeztu beharko da, gehienez 10 megatan
- 4.- Derrigorrez testu hau izan behar du:
ARATUSTEAK
ARETXABALETA 2022
- 5.- Irabazleak 250 euroko saria jasoko du.
- 6.- Egoki ikusten bada, aurkeztutako kartel guztiekin erakusketa antolatuko da.
- 7.- Aurkezpena: Lanak posta arruntez helbide honetara: Aretxabaletako Udala, Otalora kalea,1- 20550 Aretxabaleta
Kartelarekin batera kartazal itxi bat aurkeztu beharko da ezizenarekin. Horren barruan egilearen datuak: Nortasun agiriaren kopia, eta telefono zenbakia,
aurkeztuko dira.
Posta elektronikoz helbide honetara: kultura@aretxabaleta.eus; asuntoa: Aretxabaletako Aratusteak 2022
Bertan baita artxibo bat erantsi behar da posta arruntez eskatzen diren datu berberekin.
Nortasun agiriaren kopia eta telefono zenbakia - 8.- Kartelak otsailaren 7a baino lehen entregatu behar dira Arkupe Kultur Etxean edo udaletxean.
- 9.- Epaimahaia, kultura batzordeko kideek eta herriko hainbat pertsonak osatuko dute.
- 10.- Epaimahaiaren erabakia, otsailaren 8an jakinaraziko da.