Aretxabaletarrak Porrotx eta Marimotots pailazoen azken ikuskizunaz gozatzeko gogotsu zeuden, eta, sarrera guztiak agortu zituzten atzoko emanaldietarako. Amaren intxaurrak antzezlanak heriotzaren gaia lantzea du helburu, eta hori osatzeko, zuhaitza landatzea bizitzaren eta heriotzaren sinbolo gisa. Hala, bigarren ikuskizunaren amaieran, intxaurrondoaren kimuak oparitu zizkieten umeei, eta Algara ludotekako hezitzaileek jaso zituzten beraien izenean.
Urtarrilaren 28an, umeak protagonista izango dituen ekitaldian, landatuko dituzte oparitutako kimuak. Trenbide zaharraren berdegunean izango da –bidegorriaren ondoan, Santakurtz kalearen atzealdean–, 17:30ean. Musika eskolako dantzariek agurra dantzatuko dute, eta Lekaixoka bertso eskolako kideek egindako bertso bat abestu. Bukatzeko, Amaren intxaurrak ikuskizunaren abesti bat dantzatuko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
