"Digitalizazioan murgilduta" dago UDA, eta horren erakusgarri da aste honetan bazkideei bidali dieten txartel digitala. Telefono mugikorrean gorde ahal izango dute hori, eta horretarako, bazkide zenbakia eta pasahitza bakarrik beharko dituzte.
"Etengabeko eraldatze prozesua du abiapuntu UDAk, eta apustu sendoa egin dugu txartel digitalarekin, etorkizunera begirako aurrerapausoak emanez", adierazi dute UDAko kideek.
Argibideak telefonoz zein bertatik bertara
Txartel digitala eskuratu gura duenak UDArekin harremanetan jarrita jasoko ditu jarraibideak; horretarako honako telefono zenbakira deitu behar da: 659 79 44 65. Aste bukaeran, gainera, Ibarra futbol zelaian izango dira argibideak ematen eta laguntza eskaintzen.
