Bezperan ospatu dute Aretxabaletan Euskararen Nazioarteko Eguna 'Ixotu euskeria!' leloarekin. Hainbat elkartetako, ikastetxetako eta enpresatako ordezkariak eta herritarrak elkartu ziren udaletxe zaharrean eta euskararen aldeko konpromisoak hartu zituzten.
Euskara argiztatzea izan zuten helburu atzo egindako ekitaldian, konpromisoak hartuta. Eta konpromiso horiek jendaurrean irakurri zituzten besteak beste, Copreci eta Mondragon Assemblyko ordezkariek, Kurtzebarri eskolako eta Arizmendi ikastolako kideek eta Loramendi elkartekoek. Kutxan sartu zituzten irakurritakoak, baita herritarren hautuak ere, eta idatzitako horiek gaurtik betetzen hasteko konpromisoa hartu zuten guztiek. Txokolate beroa hartuta eman zioten bukaera ekitaldiari.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
