Euskarak bizi duen egoeraz, munduko hizkuntzen artean duen lekuaz, nazioarteko egunaz eta beste hainbat ertzen gainean gogoeta eginda ekingo diote egunari Kurtzebarri BHIko kideek: "Ikasleek izan ditzaketen uste okerrak apurtzen saiatuko gara. Eta horretarako hainbat ikus-entzunezko eta testu erabiliko ditugu", adierazi dute ekimenaren antolatzaileek.
Ondoren, piropo lehiaketa egingo dute eta bingo musikatua gero; euskal musikaren gainean duten ezagutzea erakutsi beharko dute hor. Atsedenaldiaren ostean film bat ikusiko dute eta eguna bukatzeko, ikasleek osatzeko Kahoot bat prestatuko dute.
Gainera, Euskararen Eguna antolatzen jardun duen lantaldeak abesti bat egin du eguna girotzeko eta ikasgela guztietan entzungo dute hori. Hona hemen abestia:
Maite duzun hori (Doinua: Alaitz eta Maiderren Txanpon baten truke)
Ezagutzen dut herri bat
bere hizkuntza duena.
Ipuin ta abestietan,
parranda giroetan
entzuten duguna.
Gaztelera, frantsesaren,
ingeles ta txineraren
mila hizkuntzen artean
bizi behar duena
bere hiztunek abandonatua
Gure hitzen berezitasuna
Euskaldunon aberastasuna
Ezagutzen dut herri bat
bere hizkuntza duena.
Ipuin ta abestietan,
parranda giroetan
entzuten duguna
Zeinek esango liguke
hizkuntzaren iraupena
luzea izatea
Aspaldiko garaietan
bertako lurraldeetan
gertatutako misterioa
Gure hitzen berezitasuna
Euskaldunon aberastasuna
Ezagutzen dut herri bat
bere hizkuntza duena
ipuin ta abestietan
parranda giroetan
entzuten duguna
Zaindu maite duzun hori x2
Zaindu maite duguna
Zaindu maite duzuna
Maite dugun hori!
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
