Beñat Elkorobarrutia aretxabaletarra fitxatu du UDAk

Beñat Elkorobarrutia.

Beñat Elkorobarrutia Lasa (Aretxabaleta, 2002) jokalari gaztearen fitxaketa iragarri du astean UDAk. Kirol elkarteko harrobiko jokalaria da, nahiz eta kanpoan ibili den denbora luzean; Realean egin ditu zortzi bat urte, eta orain, Beasainen egon da Hirugarren Mailan.

UDAk etxera itzultzeko aukera eman dio eta pozik onartu du hori: "Lagun asko ditut bertan eta oso gustura nator". 

Eskuin alboko atzelaria izan da Realean eta hegalean eta erdian ere jokatu izan du. Edozein postutan dela, lanerako gogoz dator: "Maila handiko taldea da, gaztea, eta oso ondo dabil. Ahal dudan guztian laguntzera nator".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.