Hamabi bikotek jardungo du nor baino nor gehiago frontenis txapelketan

Mirari Altube Arrese 2021ko aza. 25a, 15:18

Bikote mistoen arteko frontenis txapelketa jokatuko da zapatuan eta domekan, Iturrigorri pilotalekuan.

Hamabi bikotek jardungo du nor baino nor gehiago; gehienak aretxabaletarrak dira, baina inguruko herrietakoak ere izango dira: Arrasatekoak, Eskoriatzakoak eta Elgetakoak, eta Bilboko bikote bat ere badago.

Hiru bikoteko lau talde egin dituzte antolatzaileek: zapatuan (08:00-13:30), talde berekoek elkarren artean jokatuko dute; eta domekan, talde bakoitzeko bi bikote onenak elkarren artean nahastuko dituzte. Eguerdi partean iritsiko da txapelketaren bukaera; hirugarren eta laugarren postua erabakitzeko partidua jokatuko da lehenengo (12:00) eta finala gero (12:30).

Harmailak, ikusleen zain

UDAren 75. urteurrenaren baitako ekitaldien artean dago txapelketa eta antolatzaileek jakinarazi dute partiduak girotuko dituzten ikusleen zain izango direla harmailak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak