UDAk antolatutako bikote mistoen arteko frontenis txapelketan izena emateko epea gaur, egubakoitza, bukatuko da. Dagoeneko hamaika bikote agertu dira parte hartzeko gertu, eta antolatzaileen gogoa da gehiago izatea; hona hemen horretarako helbide elektronikoa: udafrontenisa@gmail.com. Prezioa 10 euro da bikoteko, eta hori ordainduko dute lehen partidua jokatzerakoan.
Txapelketa azaroaren 27an eta 28an jokatuko dute, Iturrigorri pilotalekuan, eta UDAren asmoa da giro polita sortzea horren bueltan. Izan ere, txapelketa berria ez bada ere, elkartearen 75. urteurrenaren egitarau barruan sartu dute aurten.
Irabazleek bertako produktuekin osatutako otar bat jasoko dute sari.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.