Goiena telebistako Harira saioan izango dira Unai Elkoro alkatea eta Ion Albizu EH Bilduko bozeramailea azaroaren 9an (21:00 eta 23:00). Eneko Azkaratek bideratuko du mahai-ingurua eta herritarrek ere izango dute galderak bidaltzeko aukera: berriak@goiena.eus eta Whatsapp edo Telegram bidez: 688 69 00 07. Azken eguna domeka da.
Hainbat gai jorratuko dituzte saioan, besteak beste, adinekoendako gizarte zentroaren proiektua, Hiri Antolamenduaren Plan Orokorraren prozesua, osasun etxe berria eta udarako bainu-tokiak. Aretxabaletako kaleetan, herritarren artean egindako inkestan ere jaso dituzte galderak eta eskaerak udal ordezkariendako. Dena den, Goienako ateak zabalik daude gehiago jasotzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.