Aretxabaletako Udalak eta Goiena Classic Club elkarteak elkarlanean antolatutako erakustaldiak "erantzun bikaina" izan du gaur, zapatua, Ainhoa Cabero Kultura zinegotziak eta Kaiet Martin elkarteko presidenteen esanetan. "Eguraldia lagun, asko animatu da giroa goizaldean. Ikusten da herritarrak normaltasunera itzultzeko gogotsu daudela", azaldu du Caberok.
Martin ere pozik geratu da erakustaldiak emandakoarekin. "Sare sozialen bidez zabaldu dugu deialdia eta, egia esan, ibilgailu kopuru polita batu da gaur Aretxabaletan. Gustura gaude", nabarmendu du.
Ibilgailu klasikoak herriko inguruetatik ibilaldi bat egin duten bitartean, Oztopo Trialsin Klubekoen emanaldiaz gozatzeko aukera ere izan dute aretxabaletarrek, eta gaztetxoek "ikuskizun ederra" eskaini dute, Caberoren esanetan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak