Azaroan ekingo dietela lanei iragarri dute Udaletik. Kuartel zaharraren alboan dagoen erdi-biribilgunean hasiko dituzte, eta handik Kurtzebarri eskolarako norabidean jarraitu, zatika; Santa Kurtz alboan dauden kaleetan ere sartuko dira, horiek berritzeko. Ondo bidean, hamar hilabeteren bueltan bukatzea aurreikusita dago.
Hornidura eta saneamendu sareak ordezkatzeaz gain, kalea berrurbanizatuko dute "espazio publikoak hobetzen jarraitzeko". Horrela, oinezkoentzat "atseginagoa" izango den kalea egokitzea da asmoa, "irisgarritasunean eta bide segurtasunean irabaziz". Argiteria publikoaren instalazioak eta telekomunikazioarenak ere aldatu egingo dituzte, eta hiri-altzari berriak jarri.