75. urteurrenari ekin dio UDAk Kurtzebarriko tontorra argiztatuta

Kurtzebarriko gurutzea argiztatuta. (Argazkia: UDA)

Kurtzebarri mendiko gurutze inguruak argiztatuta eman dio hasiera Aretxabaleta kirol elkarteak 75. urteurrenari. Zapatu gauean, 21:00ak bueltan, argiztatu zuen tontorrera joandako taldetxo batek, eta herritik eta inguruetako parajeetatik hainbat lagunek ikusi zuten.

Kurtzebarriko gurutzeak 50 urte bete zituenean, 1978ko irailean, argiztatu egin zuten hura lehenengoz, Aretxabaletatik zein Eskoriatzatik ikusteko. Eta orain ere berdintsu egin gura izan du UDAk. Asmoa zen irailaren 18an jartzea argiak han, baina eguraldi eskasaren erruz atzeratu egin zuten joan den zapatura.

Argiztatze lanetan jardun zuen taldea. (Argazkiak: UDA)

Herriaren hauspoa dokumentala 

Herriaren hauspoa leloa jarri dio urteurrenari kirol elkarteak, eta urriaren 15ean hain zuzen ere estreinatuko du izen bera daraman ikus-entzunezkoa; Arkupen izango da, 19:30ean. 75 urteko ibilbidean zeresana izan duten lagun askoren testigantzak jasotzen dabil Arteman komunikazio enpresa. Behin estreinatuta, hurrengo bi egubakoitzetan, 22an eta 29an ere emango dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.