Taldea hamabost bat lagunek osatzen dute, gaur-gaurkoz, baina kopurua behera egiten hasita dago eta kide berrien beharra atzeman dute. Juan Tomas Zabalak eta Pedro Etxebarriak orain arte egindako lanaren nondik norakoen berri emango diete gerturatzen direnei, eta hemendik aurrerako asmoak ere jakinaraziko dizkiete.
Orain dela bederatzi urte abian jarritako taldeak Aretxabaletaren gaineko diagnostikoa du egina, gabeziak identifikatu eta horiei konponbidea topatzeko helburuarekin, besteak beste. Han zortzi arlo dituzte jasota; horien artean zabalena da aire zabaleko guneei eskainitakoa –parkeak, bidegorria, ibaia…–.
