Sailkapen orokorrean, hamazazpigarren postuan geratuta, eta 23 urte azpikoen sailean, lehenengo postu, eta beraz urrea jasota, pozik agertu da Mikel Arriola mendi-lasterkaria.
"Lasterketa oso ondo joan zan. Izan ere, udan egin ditut zenbait lasterketa, baina, hau izan da nire lehenenego mendi maratoia. Lasai hasi nintzen, eta gainontzeko parte-hartzaileak aurreratzen joan nintzen poliki-poliki. Lasterketako azken zatian aurreratu ahal izan nuen nire kategorian bigarren postuan geratu zen parte-hartzailea. Beraz, disfrutatutako lasterketa izan zen".
Hurrengo erronkak
"Begiz jota dut Arrasate-Udalatx lasterketa, eta azken aldian, Oñatin ere ibili naizenez entrenatzen, Aloñako igoera egitea ere gustatuko litzaidake, baina, aurten dorsalik ez dudanez, aurrerago izan beharko du. Maratoian egindako emaitza ikusita, gainera, Zegama-Aizkorri egitea ere gustatuko litzaidake, eta baita, Beasainen ehunmiletan egiten den Marimurumendi maratoia ere".