Iufala Pro! formakuntza saioa antolatu dute Apropox sormen iturriak eta DAP Debagoieneko antzerki plataformak elkarlanean. Antzerkigile eta hezitzaile profesionalentzako saioak izango dira, Aretxabaletako Zaraia aretoan, eta 16:00etatik 20:00etara bitartean eskainiko dituzte saioak zenbait egunez, Iurgi Etxebarriaren gidaritzapean.
Aste honetan ziren egitekoak saio horiek, baina, aurrerago egingo dituztela jakinarazita, laster ezarriko dituzte antolatzaileek data berriak.
Iufala Pro!-ren helburua ikasleekin irudimena lantzeko sormen-talde bat egitea da, eta interesdunek izena eman dezakete Dantzerkiplat@gmail.com helbide elektronikora idatzita. Informazio gehiago: Apropox.com helbidean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.