"Bereziki herriko artistei egin gura izan diegu tokia egitarauaren baitan, pandemiak orain artean euren jarduna baldintzatu duelako", azaldu du Miren Antxia gazte mugimenduko kideak.
Bihar, egubakoitza, hasi eta astelehenera arte ekintza ugari egingo dituzte horretarako atontzen ari diren tokian, herrigunean. Kontzertuak ere egunero izango dira, eta batzuetarako, emanaldiaren aurreko egunean hartu beharko dira sarrerak, debalde.
Edukiera mugak eta segurtasun neurriak une oro errespetatu beharko dira, eta esan dutenez, gehienera jota 150 lagun egon ahal izango dira gune horretan. Horretarako, 25 mahai jarriko dituzte, eta bakoitzean sei pertsona elkartu ahal izango dira. Azkenik, herrigunea ekintzak irauten duten bitartean izango da zabalik; hori bai, gehienera jota gauerdiko 12etan itxiko dute.
Aldarrikapen ugari
Egitarauaren baitan aldarrikapenerako tarterik ere izango dela esan du Antxiak: "Ez dugu juergara lotutako zerbait egin gura izan; bai, ordea, gazteen aldarrikapenei tokia egin". Eta gehitu: "Neska gazteek zein gazte mugimenduak egingo ditugu mobilizazioak, izan ere, gazte moduan kriminalizatu egin gaituzte. Erakutsi gura dugu badaukagula ardura soziala, eta prest gaudela pandemiari aurre egiteko".
Egitaraua, osorik
Abuztuak 13, egubakoitza
- 17:00 Jaso zure kamiseta
- 18:00 Hasiera ekitaldia
- 19:00 Bertso-trama
- 21:00 Kontzertua: TRIGGER
- 22:00 Pintxada kolektibua
Abuztuak 14, zapatua
- 12:00 Marianito pintxada
- 16:00 Bingo musikatua
- 18:00 Aurkezpena: Zer diogu gazteok?
- 19:30 Kontzertuak: Peio eta Irene
- 21:30 Kontzertua: Virgin Mary DJ Set
Abuztuak 15, domeka
- 12:00 Umien jolasak
- 17:30 Mahai-ingurua: Gune Autogestionatuak
- 19:30 Kontzertua: Txerrikumeak
- 21:00 Kontzertua: Oihu
- 22:30 Kontzertua: Jasan
Abuztuak 16, astelehena
- 12:30 Mural margoketa: Gari Atxabaltara
- 17:00 Karta jolasak: Pintxito txapelketa
- 19:00 Mobilizazioa: Neska* Gazteok oraina eraikitzera goaz
- 20:00 Kontzertua: Gusilu & Liza Hemen Gaz
Abuztuak 17, martitzena
- 19:00 Itxiera ekitaldia: Gazteok oraina eraikitzera goaz
