Zuri agertu da Deba ibaia gaur , uztailak 30, eguerdi partean. Herritar batek jakinarazi dio GOIENAri eta Udal ordezkariak ere jakinaren gainean daude. Isurketa aztertzeko laginak hartu dituzte, eta Unai Elkoro alkatearen esanetan Industrialdetik etorri da, "Pausoka haur eskola inguruko hoditik irteten duelako ibaira".
Ez da isurketa gertatu den lehen aldia azken urtean. Martxoan, esaterako, mojen komentuaren osteko ibai tarteko urak agertu ziren zurituta, eta geroago, Loramendi kale ingurukoak ere bai; eta 2020ko urrian Pausoka haur eskola parekoak, orain legez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.