1 eta 2 urteko ikasleen lau geletako irisgarritasuna hobetzeko eskailerak eraitsiko dituzte, eta arrapala bat jarri. Gela horiek zoru erradiatzailea izango dute. Bestalde, 3 eta 4 urte bitarteko ikasleen hiru gelak eta psikomotrizitate gela ere eraberrituko dituzte, baita bi komun berri egokitu ere. Horiez gain, leiho guztiak berrituko dituzte isolamendu termikoa hobetzeko, baita ateak, instalazio elektrikoak eta berokuntza sistema ere.
Hiru hilabete beharko dituzte esandako lan horiek guztiak bukatzeko; hortaz, ikasturte berriko lehen hilabeteetan ikasle batzuk Arkupera joango dira eskolak jasotzera.