Aretxabaletako Udaleko Gazteria, Prebentzio eta Gizarte Zerbitzuetako arduradunak kezkatuta agertu dira substantzien "kontsumoei buruz herrian egiaztatu dituzten kasuekin". Horren berri emateko gutuna bidali diete 12 eta 16 urte arteko neska-mutikoen gurasoei, ikastetxeen bitartez. Eta zera adierazi dute han: "Dagoeneko Lehen Hezkuntzako 6. mailakoen artean alkohol kontsumoak egiaztatu dira, eta DBHko lehendabiziko mailetan ere gorakada izugarria eduki du, koma etilikoak barne".
Gurasoei eskatu diete "adi" egoteko: "Gazteak etxeratzean ez badu nahi ezer partekatu edo afaldu gabe zuzenean gelan sartzen bada, saiatu zaitezte harekin hitz egiten; lagunduko dizue nola dagoen antzematen eta, beharrezkoa, bada neurriak hartzen".
Laguntzeko gertu daudela ere adierazi dute, eta hona hemen horretarako bideak: 688 64 44 35 zenbakira whatsapp-a bidaliz edo ongizate@aretxabaleta.eus helbidera idatziz.