Ohiko batzar orokorrean pandemiak baldintzatu duen 2020-2021 denboraldiaren jardunaren eta diru kontuen berri emango dute zuzendaritza batzordeko kideek, eta ondoren, datorren denboraldirako asmoak aurkeztu. Galderak eta proposamenak egiteko aukera ere eskainiko diete bazkideei.
Behin hori bukatuta, ezohiko batzarrari ekingo diote eta bi puntu aztertuko dituzte: aldaketak estatutuetan eta zuzendaritza batzorderako hauteskundeak. Hautagai bakarra egongo delakoan daude oraingo zuzendaritzako kideak.