Hona hemen Udalaren oharra erailketa matxista gaitzesteko:
"Aretxabaletako Udalak uztailaren 7an, Murchanten egon den emakume baten erailketa matxista gaitzesten du eta haren senide eta hurbilenekoei babesa eta
hurbiltasuna adierazi nahi die.
Indarkeria matxistak Euskal Herrian 2003tik 111 emakume eta 11 adingabe hil ditu.
Ez da ekintza bakan bat. Horregatik guztiagatik, Udalak adierazten du bihar, uztailak 8, 19:00etan herriko plazan egingo den elkarretaratzean parte hartuko
duela.
Erasorik ez, erantzunik gabe!"
Eraso homofoboak salatu
Pikarraituz talde feministak zera adierazi du:
"Cisheteropatriarkatuak hiltzen gaitu!
Azken egunetan argitzera eman diren erasoak ez dira kasu isolatuak, LGTBIQ+ kolektibo eta pertsonekiko fobiak eragindako erasoak dira. Samuelen hilketarekin azaleratu diren arren, LGTBIQ+ kolektiboko kideok egunez egun jasaten ditugu eraso homofoboak.
Guk ez dugu inolako erasorik onartuko, beraz, goazen kaleak hartu eta gure sexualitatea politikoki borrokatu eta aldarrikatzera!"