Kiki eta Koko pailazoek zirkuko kontuak eskainiko dizkiete neska-mutikoei datorren eguaztenean, hilaren 30ean, Kurtzebarri eskolako kantxan –eguraldi txarra eginez gero, Iturrigorri pilotalekuan–, 19:00etan.
Umorea barra-barra duen Bizi-bizi zirkua ikuskizunarekin kantuan eta dantzan egin ahal izango dute umeek pailazoekin batera, baita jokoetan parte hartu ere aulkietatik mugitu gabe.
Kultura Sailak antolatutako 7x7 kultura kalean ekimenaren baitako azken saioa izango da. Uztailean antzezlanek hartuko diete lekukoa orain arteko emanaldiei, azken urteotan egindako legez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
