Gu Haziak Gara elkarteak, Aretxabaletako Udalaren babesarekin, zenbait ikastaro antolatu ditu ekainerako eta uztailerako. Tailer guztietan izango da edukiera mugatua, eta, hain zuzen ere, interesa duenak, guhaziakgara@gmail.com helbide elektronikora idatzi beharko du, edo 688 62 37 18 telefono zenbakira deitu. Ekainean, hilaren 21ean eta 29an, hilerokoarekin lotutako hezkuntza tailerra izango da; eta 22an eta 29an, berriz, oihalezko estanpazioaren gainekoa.
Uztailean, hilaren 19an, 20an eta 21ean, poltsa eta nezeserrentzat kremailerak egiteko tailerra izango da. Uztailaren 8an eta 15ean, Fototransfer saioa izango da, objektuak irudi edo argazkiekin pertsonalizatzeko, eta amaitzeko, berriz, joskintza ikastaroa egingo da uztailaren 12an, 13an eta 14an.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
