Manifestazioan, geldialdi bat ere egin dute Arlutzeko plazan. Bertan irudikatu dute pertsona bat hainbat sokekin lotuta, Atxabaltako Gazte Mugimenduko Gari Igartuaren esanetan, "aspalditik datozen sokak" irudikatu nahi izan dituzte eta hauxe gaineratu du: "Orain arte gazteok jaso dugun jazarpen eta kontrolak irudikatu nahi izan ditugu soka horien bitartez. Gu elkarrekin antolatuta, gure kabuz, pixkanaka-pixkanaka askatzeko gai izango garenak".
Gaurkoa, aurkezpen moduko bat izan dela ere esan du Igartuak: "Nahi duguna da, gazteekin, norbanakoekin, hainbat sektoretakoekin eta kuadrillekin harremanetan jartzea, galdetegi bat betetzeko. Bertan jasotakoekin, aurrera begirako aldarrikapenen taula bat sortu nahi dugu, aurrera begirako lanketa egin ahal izateko".