Gaur goizean jokatu dituzte norgehiagokak Aretxabaletako Iturrigorri frontoian. Juan Mari Errasti prestatzaileak aitortu du etxeko jokalariak ez daudela forma puntu onenean. "Sufritzea tokatuko da aurten. Jende aldetik ere ez gabiltza gure onenean. Jokalari asko erretiratu egin zaizkigu, astean lau konfinatu inguru izan ditugu... Baina jarraitzen dugu entrenamenduekin, eta taldea daukagun bitartean horrela jarraituko dugu. Ez dugu gura bertan behera jare egin".
Lehen kanporaketako joaneko partiduen inguruan esan du kadeteetan egin zitekeela gehiago. "Nire ustez bazegoen aukera gehiago, baina gutxi entrenatu dute. Gazte mailan ere ez dugu ezer egin, eta nagusietan argi ikusi da. Hernaniko bikotea oso bikote ona da".
Zaila da Errastiren ustez kanporaketa galtzen hasita horri buelta ematea. Zailtasunak zailtasun hurrengo egubakoitzean izango dira itzulerako partiduak.
