Udaleku irekiak uztailaren 5etik 23ra egingo dituzte, eta ordutegia izango da: 08:30-13:30.
Begiraleei eskatuko dieten xehetasunen berri eman dute Loramendi elkarteak, Loratu ekimenak eta Udalak. Ezinbestekoa izango da honako hau:
- Lan kontratua egiterako egunean 18 urte beteta izatea.
- Erdi mailako heziketa zikloak edo batxilergoa amaituta izatea.
- B2-ko euskara maila izatea.
Lehiaketa fasean honakoak hartuko dituzte kontuan titulazioaren kasuan: aisialdi begirale titulua; gizarte hezkuntza, psikologia, pedagogia, magisteritza, Tafyd edo IVEF, gizarte eta kultur animazioa edo gizarte integrazio titulua izatea edo ikasten jardutea; lehen sorospen titulua izatea; eta C1 euskara titulua izatea. (Egiaztatu egin beharko da guztia).
Lan esperientziari dagokionez, ostera, honako hau: udaleku irekietan edo itxietan, edo Gabonetako parkean begirale lanetan jardundakoa izatea, eta urtean zehar aisialdirako zerbitzuetako begiralea izatea –multikirola, entrenatzailea, dantza, ludoteka, hizkuntza errefortzuak...–. (Egiaztatu egin beharko da guztia).
Gaineratu dute aretxabaletarrek lehentasuna izango dutela.