Futbola ardatz hartuta baina jolasari garrantzia emanda udalekuak antolatu ditu Aretxabaleta kirol elkarteak uztailerako, iazko bidetik jarraituz eta Foru Aldundiaren babesarekin. Hilaren 5etik 30a arte izango dira abian eta Ibarra futbol zelaia izango dute topaleku.
Udalekuak bideratu dizkiete 2009 eta 2012 urte artean jaiotako neska-mutikoei, eta adinaren araberako bi txanda egiteko asmoa dute: gaztetxoenak, 9 eta 10 urte artekoak, elkartuko dira 09:45ak eta 11:15ak artean; eta nagusienak, 11 eta 12 urte artekoak, 11:30ak eta 13:00ak bitartean.
Zabalik izena emateko epea
Izena emateko epea ekainaren 18a arte egongo da zabalik. Argibide gehiago gura izanez gero edo zalantzak argitu UDAko kudeatzaile den Ainara Mugarekin jar daiteke harremanetan: 659 79 44 65 edo uda.kudeatzailea@gmail.com. Lau astetako prezioa da 65 euro.