Leizarra musika eskolako dantzariek egin zioten ondo-etorria. Eta ondoren, Errefortzu Taldeko umeek Amets Arzallusek idatzitako manifestua irakurri zien herritarrei. Beraien ametsak ere sartu zituzten kutxa barruan. Arizmendi ikastolako kideek, Kurtzebarri eskolako gurasoek eta Erdu talde feministako kideek ere beste horrenbeste egin zuten. Eta Loramendi elkarteko Ainhoa Sanchezek herritarren nahiak gorde zituen kutxan.
Euskal Herriari itzulia
Iparra Hegoa elkarteak abian jarritako egitasmoa da, Bizi gira... kutxa bira! lelopean, eta Euskal Herri osoa eta diaspora zeharkatzen dihardu. Martxoaren 20an eman zioten hasiera Argentinan eta maiatzaren 30ean bukatuko du ibilbidea kutxak, Seguran; Euskal Herriko itzulia egiten dabil herritarren ametsak jaso bitartean.