Foru Aldundiaren programaren bidez, Aretxabaletako Udalak 25.689 euro jaso zituen iazko azaroan. Kopuru hartatik, 19.666 euro geratzen direla oraindik jakinarazi dute.
Baldintzak berdinak dira, hau da, laguntza jasoko dute espazioen egokitzapenek; segurtasun eta osasun irizpideak betetzeko ekipamenduetan egindako moldaketek; lan egiteko moduak egokitzeko inbertsioek (manparak, gel-banatzaileak…), eta higiene eta babes neurri bereziekin lotutako beste jarduera batzuek. Establezimendu bakoitzak eginiko material erosketa edo inbertsioaren % 60a finantzatuko dute, gehienez 300 euro lokal bakoitzari.