Mikel Larburu entrenatzaileak ondo dioen moduan partidu guztiak dira konplikatuak, baina gaurkoa hasieratik jarri zaie maldan gora. Aretxabaletarrek izan dute norgehiagokako lehen aukera garbia, baina ez da gola izan eta debatarrek hurrengo jokaldian egin dute 0-1ekoa. Bosteko lerroa planteatu dute orduan Amaika Bat taldekoek, eta etxekoek hiru bat aukera sortzeko gai izan badira ere atezain debatarrak guztiak gelditu ditu. Hala, atsedeneko emaitza 0-1 izan da.
Bigarren zatia hasi berria zela egin dute debatarrek bigarren gola. 55. minutuaren bueltan, ordea, Amaikak Bat taldeko atezaina kaleratu du epaileak UDAko jokalari bati kolpe bat emateagatik.
Ondo baliatu dute aukera etxekoek eta jokalari bat gehiago izanda bigarren zatiko 28. eta 31. minutuetan egin dituzte bi gol. Bata Danel Uribesalgok eta bestea Julen Zaitegik.
"Une horretatik aurrera partiduaren bila joan gara baina ez dugu hirugarren gola sartzea lortu", azaldu du Mikel Larburu entrenatzaileak.
Mondrak 3-0, Unben
Mondrak partidu gogorra izan du, Unben; izan ere, 0-3 galdu du Eibar Urko taldearen kontra. Arrasateko taldea sailkapeneko zazpigarren postuan da, arerio zuzenak baino partida bat gehiago jokatuta.
Bergarak atsedena du aste bukaera honetan.