Odola emateko aukera izango dute aretxabaletarrek datorren hilabetean. Otsaileko lehen hiru astelehenetan –1, 8 eta 15– arratsaldez (16:45-20:00) etorriko da autobusa Durana kalera eta hilaren 11n, goizez (09:45-13:00), Mondragon Unibertsitatearen Ikus-entzunezko fakultatera.
Odola eman dezakete 18 eta 65 urte arteko herritarrek –50 kilotik gorako pisua izanik–. 12 urte baino gutxiagorekin hepatitisa pasatu izanagatik eman daiteke, baita kolesterola altu izan arren ere. Ez dago barau joan beharrik. Emakumeek urtean hirutan eman dezakete eta gizonezkoek, lautan.
Nabarmendu dute odol-emate altruistak direla odola lortzeko modu bakarra eta premiak bere horretan jarraitzen duela gogorarazi.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.