Kanpotik joaten diren horiek kezkatuta agertu direla adierazi du Udaleko Kirol teknikari Asier Mujikak, eta dei asko jaso dituztela: "Herri batetik bestera pasatzeko baimenik egin dezakegun galdetu digute hainbatek. Guk erantzun diegu kiroldegiko abonatu direla ziurtatzen duen agiria egin dezakegula, baina gehiago ez".
Eremu gorriari "beldurra"
Egoera ez dela samurra iritzi dio Mujikak, baina are eta okerragoa izango dela eremu gorrira pasatuz gero: "Beldur handia diogu horri. Izan ere, eskolakirola bertan behera geratuko litzateke, baita hainbat talderen entrenamenduak ere, eta jarduerak ere bai. Eta horrek, gero, bajak dakartza, beste ondorio batzuekin batera".
