"Herri mugimenduak orokorrean baina batez ere gazte mugimenduak herri honen eraikuntzan daukan garrantzia balioan jarri gurako genuke. Horregatik, ikasleak, neska* gazteak, sortzaile gazteak zein gazteak orokorrean, testuinguruak uzten ez badu ere, kalean garela eta gaudela aldarrikatzera irtengo gara", adierazi dute Gazte Mugimenduko kideek.
Pandemia honetan sortutako hainbat egoera salatzeko ere irtengo direla kalera gaineratu dute: "Batez ere gazteen kontrako kriminalizazioa edo gazteon prekarietatea salatzeko. Baita herriko sektore kaltetuenei babesa adierazteko ere, batez ere ostalariei, kulturgileei edo eta lanetan dabiltzanei".
"Kaleak hartzeko beharra" ere nabarmendu gura izan dute mobilizazioaren deitzaileek: "Herri hau eraldatzen eta eraikitzen jarraitzeko, zein etorriko dien erronka sozioekonomiko berriei erantzuteko kaleak hartzeko beharra azpimarratu nahi dugu".