Metik proiektu ekofeministako adituek gidatuko dute saioa, Irune Robles Egozkue antropologo feminista eta gizarte hezitzaileak eta Raquel Garcia Teran adituak. "Emakume askok, gehienok, pairatu dugu indarkeria gineko-obstetrikoa eta aztarnak gelditu zaizkigu, beraz, bizipen mingarri horiek askatzeko, bakoitzaren gorputzetik jasotako indarkeria obstetrikoa aitortzea, izendatzea, plazaratzea eta konpartitzea konponbide bat izan daiteke", diote.
Bortizkeria horien gainean taldean hausnartzea da asmoa, metodologia feministak erabilita, parte hartzea sustatuta eta alaitasunez: "Gure gorputzen burujabetza berreskuratu nahi dugu, indarkeriarik gabeko bizitzak eraikitzeko".