Bertako paisaien irudikapen landuak Gurutze Mujikaren erakusketan

Gurutze Mujika aretxabaletarrak pintura erakusketa jarri du ikusgai Arkupe kultura etxean. Bederatzi koadrok osatzen dute erakusketa, eta, olio mihise gaineko teknika erabilita, paisaia ederrak irudikatu ditu; gehienak, inguruetakoak. Erakusketa azaroaren 30era arte egongo da ikusgai.

"Erakusketa programatu gabekoa izan da, baina gustura geratu naiz. Jarri ditudan lan gehienak formatu handikoak dira, eta paisaien irudikapenak dira egin ditudanak. Udazkena asko marrazten dut, eta, beraz, udazken koloredunak eta elurtutakoak dira bertan ikus daitezkeen lan gehienak. Urbiako bide bat, Degurixa, Urkulu ingurutik Hiruatx ikusten dela…".

Gurutze Mujika Aretxabaletako margolaria.

Astegunetan 11:00etatik 13:00etara eta 18:00etatik 20:00etara eta zapatuetan 11:00etatik 13:00etara bitartean egongo da aukera Gurutze Mujikaren erakusketa ikusteko Arkupen. Domeketan eta jaiegunetan, berriz, itxita egongo da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.