Emakumeen aurkako indarkeriaren kontra agertzeko egunean, azaroaren 25ean, elkarretaratzea egingo dute Herriko Plazan (19:00). Herriko Mugimendu Feministak zein Udalak egin dute bat eta herritarrak ere ekitaldi horretara batzera gonbidatu dituzte.
Udalbatzak hain zuzen joan den astean egindako ohiko osoko bilkuran aho batez onartu zuen adierazpen instituzionala eta hainbat konpromiso hartu horren bitartez.
Pikarraituzen ekitaldiak
Pikarraituz asanblada feministak ekitaldietara dei egin du. Eguaztenean, Aretxabaletako neska gazteen elkarretaratzea egingo dute lehenengo, Mitarte plazan (18:30) eta gero, Herriko Plazara joko dute, bestearekin bat egiteko. "Isilik eta etxean nahi gaituzten honetan, ozen aldarrikatuko dugu normaltasun heteropatriarkalaren aurrean kaleak hartuko ditugula!", adierazi dute.