Berdintasun Sailak antolatu du Setem Hego Haizea GKEarekin elkarlanean eta izena emateko Berdintasun Sailera jo daiteke –berdintasuna@aretxabaleta.eus– edo Arkupeko harrerara; azken eguna astelehena da, hilaren 16a.
Kontsumoaren eta indarkeria matxistaren gaineko ikerketa abiatu zuen Setemek 2016an bertako kide den Edurne Gallok azaldu duenez: "Hiru gai landu genituen orduan: kontsumo estetikoa, garraioa eta hirigintza, eta etxean erabiltzen diren garbitzeko materialak. Ondoren, 2018an, hausnarketarako esparruak zabaldu genituen eta beste gai batzuk gaineratu: kontsumo energetikoa, telesailena eta telefonoen erabilera. Irantzuk gai horiek guztiak eta gure ikerketa oinarri duen bakarrizketa gertatu du, umore garratza lagun hartuta".
