Atxabalta Mugik abian jarri gura duen proiektuak jarduera fisikoa sustatzea du helburu 15 eta 16 urteko gaztetxoen artean. Horretarako Ibarra kiroldegian ematen diren bi jarduera ezagutzeko eta probatzeko aukera eskainiko diete, ikastetxeko Gorputz Heziketa jardueraren barruan.
Asmoa zen, azaroan hasita, lau astetan gerturatzea kiroldegira eta hiru ekintza proposamenetatik bi aukeratzea; lehenengo bi asteetan Gap (gluteoak, abdominalak eta hankak) eta Cycling artean hautatzea eta hurrengo bi asteetan Circuit training ikastaroa egitea guztiek. Kiroldegiko begirale profesional batek ikastaroaren oinarri teoriko-teknikoak azalduko lizkieke, jarduera mota horrek eskaini ditzakeen onurak azalduz edota izan ditzaken arriskuen berri emanez eta begiraleek eskainitako saio praktiko bat jasoko lukete.
