Feminismoa eta ekonomia solidarioa sexualitatearen bizipenarekin nola uztartzen diren, eta aldi berean, sexologiak eta feminismoak ekonomia sozial eta solidarioari zein ekarpen egin diezaioketen aztertuko dute. "Gorputzen eta desiren autoezagutza bezalako gaiak jorratzeko balioko digun tailerra izango da, horrela sexualitatearen bizipen osoa eta alaia bultzatzeko", dio Barrerok.
Elkarrekin hausnartu
Sexuari, plazerei eta desioei buruz hitz egiteko espazioak ez daudela inoiz soberan dio Barrerok: "Gure bizipenak eta gorputzak etengabe zalantzan jartzen dituzten mezuez inguratuta gaude. Testuinguru horretan zaila da gure zalantzak, beldurrak eta pozak epaituak sentitu gabe planteatzeko behar besteko segurtasuna aurkitzea; izan ere, desinformazioz betetako mezuekin bonbardatzen gaituzte".
Arkupen elkartuko dira parte-hartzaileak eta Roblesek streaming bidez dinamizatuko du. Konfiantzazko giroa sustatuko dutela gaineratu du sexologoak, eroso egon daitezen parte hartzaileak. "Galderak egin ahal izango dira, elkarrekin hausnartu, bizipenak partekatu edo, besterik gabe, entzun".
Irantzu Varelaren bakarrizketa
Azaroaren 18an, ostera, Irantzu Varela feministaren bakarrizketa garratza izango da (18:00): No hay matriarcado ni en el supermercado. Izena emateko azken eguna hilaren 16a da Arkupen edo Berdintasun Sailean: berdintasuna@aretxabaleta.eus