Taldeka egiten diren jarduera guztiak gehienez sei pertsonako multzoetan egin beharko dira. Eta adierazi dute kasu batzuetan balitekeela ikastaroa astean bi saiotatik saio bakarrera pasatu behar izatea. Horrela bada, ikastaroen prezioa ere erdira jaitsiko litzatekeela iragarri dute.
Bestalde, maskara une oro jantzita eraman beharko da kirola egiten den bitartean, kardio-makinetan izan ezik. Eta, bide batez, gogorarazi diete erabiltzaileei txanda aldaketa bakoitzean harrerara jaitsi beharra dagoela eta fitness aretoan toallaren erabilera derrigorrezkoa dela.
Berrantolaketa horren gaineko xehetasunak jakiteko edo informazio zuzena eskuratzeko, begiralearekin harremanetan jarri behar da, edo Ibarra kiroldegira deitu: 943 03 98 42