Hona hemen esker idatzia:
"Idatzi honen bitartez garai zail hauetan gure ondoan egon zareten eta egoten jarraitzen duzuen guzti horiei eskerrak eman nahi dizkizuegu. Zuek zarete gure jardueraren motorra eta aurrera jarraitzeko indarra.
Egungo osasun egoerak eraginda gizartean hainbat aldaketa eta egoera berri ari gara bizitzen eta, nola ez, UDAren jardueran ere eragiten ari da dakizuen moduan. Dena den, egoera hauetara moldatzeko lan egiten dugu, eraldaketa prozesu honek aldi berean hobetzen lagunduko digun ustearekin.
Hortaz, lanean jarraituko dugu herriari eta herritarrei kirol-aukera ezberdinak eskaintzeko eta definitzen gaituzten balioen transmisioarekin jarraitzeko.
Eskerrik asko! Eta aupa UDA!".
