Orain dela 34 urte Aretxabaletan egindako atentatu hartan, Terrorismoaren Aurkako Landa taldeko (GAR) bi guardia zibil hil ziren. Epaiketan, Kubati-k eta Latasak, biek adierazi zuten, ez zutela Aretxabaletako atentatuan parte hartu; fiskaltzak aldiz, 66 urteko espetxe zigorra eskatzen zuen akusatuentzako.
Epaileek gaur aditzera eman dutenez, akusatuen kontrako froga bakarra erasoan erabilitako PVCzko hodi batzuetan haien hatz markak agertu izana da. Baina ez dago "beste zantzurik, ezta froga zuzenik ere" hodiak manipulatzea baino zerbait gehiago egin zutela esateko. Izan ere, ez zuten topatu haien hatz markarik erasoan erabili baina lehertu ez ziren lehergailu batzuetan. Gainera, nabarmendu dute uztailaren 25eko gau berean beste eraso batean parte hartzeagatik zigorra jarri zitzaiela akusatuei –Guardia Zibilak Ordizian zuen kuartelaren kontrako erasoa–.
1988an itxi egin zuten kasua, froga faltagatik. Geroago, beste bi alditan ere eskatu zuen Fiskaltzak berriro zabaltzeko: 1997an eta 2001ean.