Antzerkiaren arloan egindako lanagatik saritu dute Kepa Errasti Besarkada Sarietan

Errasti antzerki arloko saria jaso berritan, atzo. Irudia: Euskal Aktoreen Batasuna

Euskal Aktoreen Batasunak atzo banatu zituen Besarkada sarien baitan saritu dute aktore aretxabaletarra. Antzerkiari bideratutako saria eskuratu du Errastik, Mami Lebrun obran egindako lanaren aitortza gisa. 2011. urtetik etenda egon ostean aurten bereskuratu ditu Euskal Aktoreen Batasunak Besarkada sariak.

Bazkideek emandako botuen arabera erabaki dituzte aurtengo Besarkada Sarietako irabazleak. 2011. urtetik lehenegoz antolatu dituzte aurtengoan sariok, eta hain zuzen ere atzo egin zuen sari banaketa ekitaldia Bilboko Azkuna zentroan. Hala, bertan saritutako sei aktoreen artean dago Kepa Errasti aretxabaletarra.

Emakumezko aktore bat eta gizonezko aktore bat saritu dituzte antzerki, telebista eta zinema arloetan; Antzerkian Aitziber Garmendia (Erlauntza obran egindako lanagatik) eta Kepa Errasti (Mami Lebrun-en egindakoagatik) izan ziren sarituak. Telebista arloan, Itziar Ituñok (La casa de papel) eta Iñigo Aranbarrik (Ihesaldia) jaso zuten saria eta zinemari dagokionean Miren Gaztañaga (El legado de los huesos) eta Zorion Egileor (El Hoyo) izan ziren sarituak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.