"Hasiera batean, Iturrigorri pilotalekuan egin behar genuen txapelketa, baina, eguraldi iragarpena begiratu ostean, lekua aldatzea erabaki dugu. Hala, komentuan izango da. Joan den astean ireki genuen izen-ematea, eta hainbat bikotek eman dute izena. Plaza mugatuak izango dira, eta gure helburua 16 bikotera iristea da, zenbaki horretan jarri dugu muga. Hiru taldetan banatuta hasiko ditugu partidak, eta bikote irabazleak afari bat jasoko du sari gisa", adierazi dute antolatzaileek.
Partidak 15:30ean hasiko dira. Final-laurdenak, berriz, 17:15ean; finalerdiak, 17:45ean; eta finala, 18:15 inguruan. Loratuko kideek gaineratu dute asteburura begira antolatutako ekintza 17 urtetik gorakoei zuzendutakoa dela, baina, urtean zehar adinari erreparatu gabe herri guztira irekitako ekintzak antolatzeko lanetan ari direla