Edukiera zaintze aldera hogei lagunendako lekua egongo dela iragarri dute –maskara jantzita–; hortaz, izena aurretik eman beharra dago, Arkupen bertan edo Berdintasun Zerbitzuan: berdintasuna@aretxabaleta.eus; azken eguna urriaren 14a da. Topaketa egubakoitzean, hilaren 16an izango da, (18:00-19:30), Arkupeko bigarren solairuko aretoan.
Etxaldeko Emakumeak elkarteak gidatuko du saioa eta asmoa da tokiko zein mundu mailako elikadura sistema aztertzea, emakume baserritarren lana ikusaraziz eta elikadura subiranotasunaren eta agroekologiaren aldeko apustua eginez. Era berean, kontsumo kontziente, kritiko, eraldatzaile eta feministan oinarritutako irizpideak azalduko dituzte.