Gaur, eguena, hasi dute Antton Lopez Kubati-ren eta Jose Migel Latasa Fermin-en aurkako epaiketa Auzitegi Nazionalean, orain dela 34 urte Aretxabaletako kuartelaren aurka izandako atentatuaren harira; ETAk egindako atentatu hartan, Terrorismoaren Aurkako Landa taldeko (GAR) bi guardia zibil hil ziren. Fiskaltzak 66 urteko espetxe zigorra eskatu du bi epaituendako.
Ministerio Publikoak dioenez, Goierri-Kosta komandoa osatzen zuten Lopezek eta Latasak beste hainbat kiderekin batera, eta hainbat lehergailu jarri zituzten haiek 1986ko uztailaren 26an Aretxabaletan. Hiru izan ziren, guztira, diotenez, eta Izurieta auzora bidean –kuartelaren atzeko partera begira– zeuden kokatuta; hirugarrenak hil zituen bi guardia zibilak, Ignacio Mateu eta Adrian Gonzalez.
1988an itxi egin zuten kasua, froga faltagatik. Geroago, beste bi alditan ere eskatu zuen Fiskaltzak berriro zabaltzeko: 1997an eta 2001ean. Orain, berriz irekitzea erabaki dute. Epaituak 2013a ezkero daude aske.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
