"Herriko artisten sorkuntzak jendaurrean erakusteko aukera izan dezaten antolatu da", adierazi dute Udaletik, eta gaineratu ekimenak jarraipena izango duela datozen urteetan. Lepokoak, belarritakoak, oihal gaineko margoak, kakorratzezko panpinak, ilerako osagarriak, euskal jantzi tradizionalak eta eztia eskainiko dituzte, besteak beste. Artisau bakoitza segurtasun distantziak mantenduko dituen karpa batean egongo da eta erakustokiak ikusteko sarrera eta irteera antolatuko dute.
Hauek dira postuak jarriko dituzten artisauak: Lara Gonzalez, Nerea Maskariano, Lara Garcia, Ariane Unanue, Izaro Sanchez, Yael Eva Otero, Miriam Carretero, Iban Urreta, Itsaso Aldai, Mari Luz Osorio, Elo Arribas eta Maria Zubillaga.