Irrintziaren azterketa eginda, Euskal Herri osoan zehar irrintziarekin zerikusi zuzena duten pertsonen testigantzak jasotzen ditu dokumentalak, eta lana fruituak ematen ari da. Izan ere, Montevideoko World Film Festival jaialdian dokumental onenaren saria jaso zuen; gero, Venezuelako Five Continents international film festibaleko Sail Ofizialean lehiatu zen, eta emaitzaren zain dago Martinez de Lizarduy. Orain, Rome International Movie Awards festibaleko Sail Ofizialean lehiatuko da.
Sorpresaz jasotakoak
"Halako harrera ez da sekula espero, eta aukeratu izatea, soilik, opari bat da. Ez bakarrik niretzat, Euskal Herriko irrintzilari guztientzat ere bada opari", adierazi du Ekain Martinez de Lizarduy zuzendariak.
